Área de Normalización Lingüística

Entrega dos Premios de poesía, relato curto e tradución literaria 2012

anl — Mon, 14 May 2012 10:54:47 +0000

Con motivo da celebración do Día das Letras galegas entregaranse os

Premios de poesía, relato curto e tradución literaria 2012 da Universidade de Vigo.

O acto celebrarase o mércores 16 de maio ás 12.30 horas na Sala 1 do Edificio Miralles do Campus de Vigo e

contará coa actuación musical de Sés.

Premios de poesía, relato curto e tradución literaria 2012

anl — Thu, 10 May 2012 08:11:42 +0000

O xurado dos premios de poesía, relato curto e tradución literaria 2012 decidiu premiar os traballos das seguintes persoas:

Poesía:

1.º Premio: Marisol Gándara Sánchez. polo poemario A cor dura da pel

1.º Accésit: Xabier Xil Xardón, polo poemario Volvería ao frío

2.º Accésit: Xabier Xil Xardón, polo poemario Vou falar da ruína

Así mesmo decidiuse recomendar a publicación de poemas de Aitor Toro Martínez e de Alba Domínguez Blanco.

Relato curto

1.º Premio: Xandra Táboas Martínez, polo relato Navy Bar

1.º Accésit: Pedro Xoaquín Peón Estévez, polo relato Desculpe señor Darwin

2.º Accésit: María Lago González, polo relato Tetraloxía do inexplicable, parte dúas: Booth Museum

Tradución literaria

1.º Premio: deserto

1.º Accésit: Guillermo Rosales González, pola tradución dun texto de Mark Gatiss

2.º Accésit: Martina Corral Aller, pola tradución dun texto de Chimo

Resolución reitoral do 15 de maio pola que se acorda o pagamento dos Premios de poesía, relato curto e tradución literaria 2012

Bolsas para o alumnado do Curso de toponimia

anl — Fri, 20 Apr 2012 10:40:41 +0000

Resolución reitoral do 19 de abril pola que se convocan 7 bolsas para o alumnado do Curso de formación de especialistas en toponimia organizado en colaboración coa Área de Normalización Lingüística

Anexo de solicitude

Premio “Luísa Villalta” a iniciativas normalizadoras

anl — Tue, 10 Apr 2012 09:05:51 +0000

O SNL da Universidade da Coruña, en colaboración cos SNL das universidades de Vigo e Santiago e a SXPL, convoca o IX Premio Luísa Villalta a Iniciativas Normalizadoras dirixido ao conxunto do sistema universitario galego. Premiarase o deseño dunha acción normalizadora e unha idea para a promoción do galego. O prazo de presentación remata o 9 de novembro ás 14 h.

OBXECTIVOS
-Desenvolver iniciativas innovadoras, relacionadas coa planificación e a normalización lingüística
-Promover a reflexión e a implicación da comunidade universitaria galega a respecto da situación da nosa lingua
-Aproveitar as potencialidades técnicas e científicas e os recursos humanos existentes nas tres universidades, así como outros recursos externos a elas.

Máis información

Obradoiro de presentacións eficientes

anl — Mon, 12 Mar 2012 08:54:52 +0000

A Área de Normalización Lingüística da Universidade de Vigo organiza un Obradoiro de presentacións eficientes, dirixido a PDI e alumnado do terceiro ciclo pertencente á comunidade universitaria, durante os meses de abril e maio.

Máis información.

Bolsas para alumnado do Curso de extensión cultural

anl — Mon, 12 Mar 2012 08:48:15 +0000

Resolución reitoral do 7 de marzo de 2012 pola que se convocan 15 bolsas para alumnado do Curso de extensión cultural.

Axudas á investigación en lingua galega 2012

anl — Thu, 01 Mar 2012 11:53:15 +0000

A Universidade de Vigo convoca axudas para a redacción e defensa en lingua galega das teses de doutoramento, das teses de licenciatura, dos traballos tutelados de investigación de terceiro ciclo, dos traballos e proxectos de fin de carreira e dos traballos de fin de mestrado.

Esta convocatoria realízase ao abeiro do convenio de colaboración vixente entre a Consellaría de Cultura, Educación e Ordenación Universitaria da Xunta de Galicia e a Universidade de Vigo para a promoción da lingua galega.

Resolución reitoral do 14 de febreiro de 2012 pola que se convocan as axudas á investigación en lingua galega 2012.

Anexo de solicitude

Ficha de pagamento

Presentación do Repertorio tabernario

anl — Mon, 27 Feb 2012 10:12:16 +0000

O venres 17, co entroido adonándose das rúas, presentouse na Casa das Campás o Repertorio tabernario que editou a Asociación de PAS do Campus de Pontevedra coa colaboración da Área de Normalización Lingüística. O acto estivo presidido pola vicerreitora do Campus de Pontevedra, Antonia Blanco Pesqueira, nun auditorio ateigado de persoas que seguiron con moito interese as palabras do autor, Luís Torres Vázquez e do presidente da Asociación de PAS Federico Fernández Fernández.

Neste libro recóllense máis dun cento de cantigas que se adoitan cantar nas tascas, furanchos e tabernas. Tamén se escoitan nas ceas e festas que se organizan na comunidade universitaria, pero das que se coñecen estrofas soltas ou o retrouso. A finalidade da edición é fixalas e que sirva de soporte para que se canten enteiras animando á participación.

Ao remate, coa oportuna compañía duns viños do país, cantáronse en animada festa boa parte das cantigas que se recollen no libro e continuou a troula polas rúas pontevedresas.

Repertorio Tabernario

Premios de poesía, relato curto e traducción literaria 2012

verba — Thu, 09 Feb 2012 12:41:51 +0000

A Universidade de Vigo, a través da Área de Normalización Lingüística, e co patrocinio da Secretaría Xeral de Política Lingüística, convoca os Premios de poesía, relato curto e tradución literaria para o ano 2012.

Resolución reitoral do 6 de febreiro de 2012 pola que se convocan os premios de poesía, relato curto e traducción literaria da Universidade de Vigo.

Bolsas de colaboración coa ANL

verba — Tue, 07 Feb 2012 10:54:32 +0000

Resolución reitoral do 6 de febreiro de 2012 pola que se adxudican definitivamente tres bolsas de colaboración coa Área de Normalización Lingüística da Universidade de Vigo